Āp Jin Ke Qarīb Hote Haiṅ
Āp jin ke qarīb hote haiṅ,
Vo baṛe ḵẖush-nasīb hote haiṅ.
Jab ṭabī‘at kisī pe ātī hai,
Maut ke din qarīb hote haiṅ.
Category: N
Dil Main Na Ho Jur’at
Dil main na ho jur’at to muḥabbat nahīṅ miltī,
Ḵẖairāt meṅ itnī baṛī daulat nahīṅ miltī.
Kuchh log yūṅ hī shahar meṅ ham se bhī ḵẖafā haiṅ,
Har ek se apnī bhī ṭabī‘at nahīṅ miltī.
Safar Main Dhoop To Hogi
Safar meṅ d̤hūp to hogī, jo chal sakō to chalō,
Sabhī haiṅ bhīṛ meṅ, tum bhī nikal sakō to chalō.
Idhar-udhar ka.ī manzilēṅ haiṅ, chal sakō to chalō,
Banē-banā.e haiṅ sāṅchē, jo ḍhal sakō to chalō.
Hosh Valon Ko Khabar Kya
Hosh vāloṅ ko ḵẖabar kyā, be-ḵẖudī kyā chīz hai,
‘Ishq kījiye phir samajhīye zindagī kyā chīz hai.
Un se nazreṅ kyā milīṅ, raushan fiẓā.eṅ ho ga.īṅ,
Āj jānā pyār kī jādūgarī kyā chīz hai.
Hoti Hai Tere Naam Se Wahshat Kabhi Kabhi
Hoti hai tere naam se wahshat kabhi kabhi
Barham hui hai yun bhi tabiyat kabhi kabhi
Ai dil, kise naseeb yeh taufiq-e-iztiraab
Milti hai zindagi mein yeh rahat kabhi kabhi
Apni Dhun Mein Rehta Hoon
Apni dhun mein rehta hoon
Main bhi tere jaisa hoon
O pichhli rut ke saathi
Ab ke baras main tanha hoon
Dil Mein Ik Lehar Si Uthi Hai Abhi
Dil mein ik lehar si uthi hai abhi
Koi taaza hawa chali hai abhi
Shor barpa hai khana-e-dil mein
Koi deewar si giri hai abhi
Dil Dhaṛakne Kā Sabab
Dil dhaṛakne kā sabab yaad āyā
Woh terī yād thī, ab yād āyā
Āj mushkil thā sambhalnā, ai dost
Tū musībat mein ajab yād āyā
Safar-e-manzil-e-shab yaad nahii.n
Safar-e-manzil-e-shab yaad nahīñ
Log rukhsat huye kab, yaad nahīñ
Dil mein har waqt chubhan rehtī thī
Thī mujhe kis kī talab, yaad nahīñ
